လိုအပ်သော အသုံးအဆောင်များ
၁။ စက်ဘီး
စက်ဘီးဟာ အလေးချိန်ပေါ့ပါးပြီး သက်သောင့်သက်သာ စီးနင်းနိုင်မယ့် ခပ်ကျယ်ကျယ်တာယာမျိုး ပါရှိသင့်ပါတယ်။
၂။ ဦးထုပ်
စက်ဘီးစီးသူအတွက် သင့်တော်တဲ့ ဦးထုပ်မျိုးဟာ မျက်ခုံးအထက်နေရာအထိ လုံတဲ့ ဆိုင်ကယ်စီး ဦးထုပ်မျိုးဖြစ်သင့်ပါတယ်။ မေးသိုင်းကြိုးကို ခိုင်ခံ့အောင် ချည်နှောင်နိုင်ရပါမယ်။
၃။ ဝတ်စုံ
အင်္ကျီဟာ ပေါ့ပါးပြီး သက်သောင့်သက်သာရှိမယ့် ချည်သားမျိုး ဖြစ်သင့်ပါတယ်။ ထိုင်ခုံပေါ်ထိုင်တဲ့အခါ အိတ်တွေနဲ့ ရှုပ်ထွေးတဲ့ဘောင်းဘီမျိုး ရှောင်ပါ။ တခြားလိုအပ်တာတွေကတော့ အားကစားစီး ရှူးဖိနပ်နဲ့ ခြေအိတ်ပဲ ဖြစ်ပါတယ်။
သွေးပူလေ့ကျင့်ခန်း
စက်ဘီးမစီးခင် ခြေထောက်ကို ရှေ့၊ နောက်လွှဲယမ်းခြင်း၊ ဘေးတိုက်လွှဲယမ်းခြင်း၊ ပခုံးကို မြှင့်လိုက်၊ နိမ့်လိုက် ပြုလုပ်ခြင်းနဲ့ စက်ဘီးနှေးနှေး စီးခြင်းဆိုတဲ့ သွေးပူလေ့ကျင့်ခန်းကို ၁၀ မိနစ်ခန့် ပြုလုပ်ပေးပါ။
စက်ဘီးစတင်စီးသူများအတွက် လမ်းညွှန်ချက်
တစ်ပတ်မှာ တစ်ကြိမ်၊ နှစ်ကြိမ်သာ စက်ဘီး စတင်စီးပါ။ စတင်စီးခါစမှာ လူအသွားအလာရှင်းပြီး ပြန့်ပြူးတဲ့ မြေပြင်ပေါ်မှာ စီးပါ။
ကိုယ့်ကိုယ်ကိုယ် ယုံကြည်မှုရှိမှသာ လမ်းပေါ်မှာ စက်ဘီးစီးသင့်ပါတယ်။ လမ်းစည်းကမ်းနဲ့ ကျင့်ဝတ်တွေကို သိမှသာ လူသွား၊ ယာဉ်သွားတဲ့လမ်းမှာ စက်ဘီးစီးပါ။
စက်ဘီးစီးနိုင်တဲ့ ကြာချိန်က လူတစ်ဦးချင်းစီအလိုက် အပြောင်းအလဲ ရှိပါတယ်။ စတင်စီးခါစမှာ သက်လုံမကောင်းသေးဘဲနဲ့ ခရီးဝေးကို မစီးသင့်ပါဘူး။ သက်လုံကောင်းပြီး စက်ဘီးကို ကောင်းကောင်း ထိန်းချုပ်နိုင်မှသာ တာဝေးခရီးကို စီးသင့်ပါတယ်။
By Mg Mandalay
No comments:
Post a Comment